२०८० वैशाख १४, बिहीबार १०:१४

नेपालको राजधानीमा रहेको काठमाडौँ जिल्ला प्रशासन कार्यालयमा सेवाग्राहीहरूले सामान्य सुविधा नपाउँदा तथा अव्यवस्थित सेवा प्रणालीबाट निराश बन्ने गरेका छन् भने सेवाग्राहीको अत्यधिक चाप तथा कमजोर प्रविधिका कारण कर्मचारीले पनि दुःख पाइरहेका छन्।
काठमाडौँ महानगरपालिकामा अन्यत्र जिल्लाबाट बसाइँसराई गरी आउने तथा व्यवसाय गर्ने सिलसिलामा काठमाडौँ उपत्यका भित्रनेको संख्या पनि धेरै छ ।
काठमाडौँ जिल्लाको बबरमहलमा रहेको जिल्ला प्रशासन कार्यालयमा दैनिक सेवा प्राप्तिका लागी तीन सयदेखि चार सय सम्मको सङ्ख्यामा सेवाग्राही आउने गर्दछन् ।
राजस्व तिर्न, नागरिकता, राहदानी, राष्ट्रिय परिचयपत्र, पञ्जिकरण, इ–पासपोर्ट, मुद्दा शाखा लगायतको विभिन्न सेवा लिनको लागि यस कार्यालयमा सेवाग्राही आउने गरेका छन् ।
सेवा प्राप्तिको सिलसिलामा घण्टौँसम्म लाइनमा उभिएर …

तेस्रो नेपालगन्ज फोटो फेस्टिभलमा स्थानीय फोटोग्राफरहरुबाट खिचिएका स्थानीय प्रकृति र जनजीवनका ८ विधाका १ सय १५ फोटाहरू  प्रदर्शनीमा राखिएको थिए भने तीन हजार जनाले अवलोकन गरे।

दुई दिनसम्म चलेको अन्तरालको आयोजना र व्यवस्थापनमा भएको सो फेस्टिभलका बिजेताहरूलाई पुरस्कृत पनि गरिएको छ । 

प्रदर्शनीमा ‘वर्ष फोटो’ विजेता मुगुका पत्रकार राजबहादुर शाही हुनुभयो । उहाँलाई नगद २५ हजार ५ सय ५५ रुपैयाँ सहित प्रमाणपत्र प्रदान गरिएको छ ।

एग्रिकल्चर विधामा आएको राजबहादुर शाहीले खिचेको मुगुको छायाँनाथ रारा नगरपालिका स्थित ताल्चा गाउँकी एक महिला रुखमा लटरम्म फलेको स्याउ टिप्दै गरेको तस्बिरले फोटो अफ दि एयरको उपाधि जितेको हो । 

यसैगरी शुक्रबार देखि सुरु …

लुम्बिनी प्रदेशका मुख्यमन्त्री लिला गिरीले विश्वासको मत गुमाउनु भएकाे छ । बुधबार प्रदेशसभामा मुख्यमन्त्री लीला गिरीले प्रदेशसभाबाट विश्वासको मत नपाएसँगै उहाँ नेतृत्वको सरकार ढलेको हो।

८७ सांसद रहेको लुम्बिनीमा बहुमतका लागि ४४ मत आवश्यक पर्छ । तर एमालेका २९ र राप्रपाका ४ सांसदले मात्रै सरकारलाई समर्थन जनाउनुभएकाे थियाे । एक जना स्वतन्त्रसहित सत्तारूढ दलका ५३ जना सांसदले गिरीको विपक्षमा मतदान गर्नुभएकाे हाे ।

एमालेबाट मुख्यमन्त्री बन्नुभएका गिरी नेतृत्वको सरकारलाई दिएको समर्थन माओवादी केन्द्र लगायतका दलले फिर्ता लिएपछि मुख्यमन्त्री गिरीले पुनः विश्वासको मत लिने प्रयास गर्नुभएकाे थियाे ।

यसअघि विश्वासको मत नपाएपछि सूदूरपश्चिम र गण्डकीमा पनि एमाले नेतृत्वको सरकार ढलेको थियो …

रूपन्देही तिलोत्तमा नगरपालिका स्वास्थ्य शिक्षा भौतिक क्षेत्र देखि सञ्चारको क्षेत्रमा पनि अगाडि छ । नगरपालिकाले मुख्य राजमार्गमा आजदेखि फ्रि वाइफाई सञ्चालनमा ल्याएको छ ।

तिलोत्तमा नगरपालिकाको योगीकुटीदेखि काेटिहवासम्मको १३ किलोमिटर राजमार्ग क्षेत्रमा निशुल्क वाइफाई सेवा सुचारु भएको छ ।
सिद्धार्थ राजमार्ग अन्तरगत बुटवल बेलहिया छ लेन व्यापारिक मार्गको फ्रि वाइफाई सञ्चालन भएको हो ।  

प्रदेश सरकार र तिलोत्तमा नगरपालिकाको संयुक्त लगानीमा सूचना राजमार्गमार्फत डिजिटल सेवा प्रवाह कार्यक्रम अन्तरगत फ्रि वाइफाई सञ्चालन भएको नगरपालिकाले जानकारी दिएको छ । उक्त सेवा सोमबार बिहान नगरप्रमुख रामकृष्ण खाँण र उपप्रमुख जागेश्वरीदेवी चौधरीले संयुक्त रुपमा शुभारम्भ गर्नुभएको हो ।

तिलोत्तमा नगरपालिकाका नगरप्रमुख रामकृष्ण खाँणले तिलोत्तमा …

प्रतिनिधिसभा सदस्यको उपनिर्वाचनमा ६० प्रतिशत मत खसेको निर्वाचन आयोगले बताएको छ ।

आइतबार भएको बारा २, चितवन २ र तनहुँ १ को प्रतिनिधिसभा सदस्यको उपनिर्वाचन शान्तिपूर्ण र उत्साहजनक रूपमा सम्पन्न भएको आयोगले जनाएको छ ।

आयोगका अनुसार बारा २ मा ६४ प्रतिशत, चितवन २ मा ६३ प्रतिशत र तनहुँ १ मा ५३ प्रतिशत मतदान भएको छ ।

गत मङ्सिर ४ गते सम्पन्न प्रतिनिधिसभा सदस्य निर्वाचनमा बारा जिल्ला निर्वाचन क्षेत्र नं २ मा ६३ दशमलव ५६ प्रतिशत, चितवन जिल्ला निर्वाचन क्षेत्र नं २ मा ६७ दशमलव ६३ प्रतिशत र तनहुँ जिल्ला निर्वाचन क्षेत्र नं १ मा ५४ दशमलव ०३ प्रतिशत मतदान …