खेलकुद/मनोरञ्जन

धेरै समय भएको थियो नेपाली क्रिकेटले आफ्नो सही बाटो बिराएको । पछिल्ला पाँच–सात वर्षको अवधिमा नेपाली क्रिकेटको क्षेत्रमा, मैदानभित्र र मैदान बाहिर समेत, भएका विविध गतिविधिहरुको सामान्य विश्लेषण मात्र गर्ने हो भने पनि यसको विकासको गति किन र कसरी अवरुद्ध हुन पुग्यो भन्ने कुरा बुझ्न धेरै गाह्रो पर्दैन ।
यो कालखण्डमा नेपाली क्रिकेटले श्रृंखलावद्ध रुपमा अनेकथरिका विवाद, अनावश्यक राजनीतिक हस्तक्षेप र गुटबन्दी, बाह्य हस्तक्षेप र प्रतिवन्ध जस्ता समस्याहरुको मारमा नराम्ररी पिल्सिल्नु प¥यो । यस्तै यावत् समस्याहरुका कारण अन्तर्राष्ट्रियस्तरमा नेपाली क्रिकेटको स्तरमा बढ्नुको साटो झन् घट्दै गयो, नेपालको छवि धुमिल हुँदै गयो र नेपाली क्रिकेटको साख लगातार तल–तल गिर्न पुग्यो ।…

विश्व खेलकुद मञ्चका लागि वर्ष २०२२ सुखद नै रह्यो भन्न सकिन्छ । कोरोना भाइरसको विश्वव्यापी महामारीका कारण विगत दुई वर्षदेखि शिथिल अवस्थामा रहेको खेलकुद क्षेत्र यो वर्ष आफ्नो स्वाभाविक लय समात्न सफल भयो । सन् २०२२ मा विश्वभर विभिन्न खेलका थुप्रै महत्वपूर्ण प्रतियोगिताहरू सफलतापूर्वक सम्पन्न भए भने खेलकुद क्षेत्रसँग जोडिएका केही महत्वपूर्ण घटनाहरूले पनि राम्रैसँग मानिसहरूको ध्यान आकर्षण ग¥यो । २०२२ को प्रमुख खेलकुद परिघटनाका रूपमा कतार विश्वकपको सफल आयोजनालाई मान्न सकिन्छ, तर वर्ष २०२२ लाई मानिसहरूले लियोनल मेसीको सफलताले शिखर चुमेको वर्षको रूपमा धेरै कालसम्म सम्झिइरहने पनि निश्चित छ । यहाँ हामी सन् २०२२ मा भएका विश्व खेल …

भव्य तामझामका साथ पोखरामा सुरु भएको नवौँ राष्ट्रिय खेलकुद बिहीबार राती बल्ल बल्ल सकिएको छ। असोज २८ देखि सुरु प्रतियोगिताको समापन बिहीबार प्रधानमन्त्री शेरबहादुर देउवाले गर्नुभएको थियो। प्रधानमन्त्री देउवाले खेलकुदको क्षेत्रलाई व्यवस्थित बनाउन सरकार प्रतिवद्ध भएको बताउनुभएको थियो।

प्रधानमन्त्री देउवाले राष्ट्रिय तथा अन्तर्राष्ट्रिय प्रतियोगितामा उत्कृष्ट प्रदर्शन गर्ने खेलाडीको आर्थिक अवस्था सुधार गर्दै खेलाडीको ध्यान खेलकुदमा केन्द्रित गर्न सरकार प्रतिबद्ध रहेको बताउनुभयो। प्रधानमन्त्री देउवाले खेलाडीको बीमा, मासिक वृत्ति र स्वास्थ्य उपचारको व्यवस्था सरकारले गर्दै आएको पनि बताउनुभयो। अनि उहाँले नेपाल सरकारले विभिन्न सिमा र अप्ठ्यारा हुँदाहुँदै पनि खेलकुदलाई प्राथमिकता दिइरहेको बताउनुभयो।

प्रधानमन्त्री देउवाको यो भाषण लेख्नेले नवौँ राष्ट्रिय खेलकुदको भद्रगोल र …

गण्डकी प्रदेशमा आयोजनामा सुरु भएको नवौँ राष्ट्रिय खेलकुदले पोखरा र समग्र गण्डकी प्रदेश यतिबेला तातिएको छ। खेलको उद्घाटन आज शुक्रबार अपरान्ह  पोखरा रङ्गशालामा गरिएको हो । राष्ट्रिय खेलकुदको उद्घाटन गर्दै उपराष्ट्रपति नन्दबहादुर पुनले भन्नुभएको छ,  ‘‘देशकै सुन्दर नगरी पोखरामा आयोजित नवौँ राष्ट्रिय खेलकुदको उद्घाटन समारोहमा उपस्थित हुन पाउँदा मलाई ज्यादै खुसी र गर्व लागेको छ।यही कात्तिक ३ गतेसम्म पोखरा र गण्डकी प्रदेशका विभिन्न स्थानमा सञ्चालन हुन लागेको नेपाली खेलाडी र खेलप्रेमीको यो महान् उत्सव खेलकुदको भव्य सफलताको शुभकामना व्यक्त गर्छु।”

‘एकताबद्ध देश खेलकुदको सन्देश’ भन्ने नाराका साथ  नवौँ राष्ट्रिय खेलकुद भव्य समारोहका बीच सुरु भएको हो। औपचारिक उद्घाटनलाई भव्य …

क्रिस्टियानो रोनोल्डो अहिले वास्तवमै व्यग्र छन्। उनी क्रिस्टियानो रोनाल्डो हुनु नै उनको व्यग्रताको मुख्य कारण हो किनभने उनी एक साधारण फुटबल खेलाडी मात्र नभएर एउटा ब्राण्ड हुन्। एउटा यस्तो ब्राण्ड हुन् जसको गुणस्तरमाथि सबैले आँखा चिम्लिएर विश्वास गर्ने गर्छन्। एउटा राम्रो खेलाडीबाट जति आशा गरिन्छ, क्रिस्टियानो रोनाल्डोबाट सधैँ त्यो भन्दा बढी अपेक्षा गरेका हुन्छन् सबैले– समर्थकले, प्रशिक्षकले, क्लबले र देशले पनि।
तर यतिबेला रोनाल्डोले ज्यादै कठिन समयबाट गुज्रिनु परिरहेको छ। उनले पाइला–पाइलामा विभिन्न कठिनाइहरूको सामना गर्नु परिरहेको छ र समयले पनि नराम्रोसँग उनको परीक्षा लिइरहेको छ। दुई दशकभन्दा लामो र चम्किलो फुटबल करिअरमा रोनाल्डोले अहिले जतिको प्रतिकूलता, असफलता र आलोचना …

केन्या भ्रमणमा रहेको नेपाली क्रिकेट टोलीले घरेलु टोली विरुद्धको तीन एकदिवसीय खेलको शृंखला ‘क्लीन स्विप’ गर्न सफल भएको छ । शुरूका दुई खेल जित्दै यस अघि नै सिरिज आफ्नो नाम दर्ता गराइसकेको नेपालले सोमवार सम्पन्न अन्तिम एकदिवसीय खेलमा समेत केन्यालाई ६ विकेटले पराजित गर्दै केन्या भ्रमणको सुखद समापन गरेको छ । अन्तिम खेलमा नेपालका तीन ब्याट्स्म्यानले अर्धशतक प्रहार गर्दै केन्याले दिएको २५६ रनको लक्ष्य ४ विकेटको नोक्सानीमा ४७.१ ओभरमा पूरा गरेका थिए ।
केन्याविरुद्ध पाँच टी–२० र तीन एकदिवसीय खेलको शृंखला खेल्न सेप्टेम्बर २५ मा नैरोबी पुगेको नेपाली टोलीले टी–२० शृंखलामा पनि केन्यालाई ३–२ ले पराजित गरेको थियो तर सो …

नेपालको विश्वकप क्रिकेट खेल्ने लक्ष्यको मार्गचित्रका रूपमा रहेको आइसीसी वल्र्डकप क्रिकेट लिग २ प्रतियोगितामा नेपालको प्रदर्शन सन्तोषजनक रहन सकेको छैन। सात टोली सम्मिलित र सन् २०२३ को फेब्रुअरीसम्म चल्ने यस प्रतियोगिताको अन्त्यमा शीर्ष तीनभित्र पर्ने टोलीले २०२३ मा भारतमा आयोजना हुने वानडे वल्र्डकप छनौट खेल्न पाउने र शीर्ष पाँचभित्र रहने टोलीको ‘वानडे स्टाटस’ कायमै रहने भएका कारण पनि नेपालका लागि यो प्रतियोगिताको महत्व ज्यादा छ। यो प्रतियोगितामा नेपालले अहिलेसम्म खेलेका १८ खेललाई विश्लेषण गर्ने हो भने त्यहाँ धेरै उतारचढाव देख्न सकिन्छ।

अहिले स्कटल्याण्डमा चलिरहेको नामिबिया समेत सम्मिलित त्रिदेशीय शृङ्खला वल्र्डकप लिग २ प्रतियोगितामा नेपालले खेलिरहेको पाँचौं शृङ्खला हो। यसअघि आफूले …