नीति/राजनीति

सत्ता हाँकिरहेको नेकपा माओवादीसहित चार पार्टीले समाजवादी मोर्चा घोषणा गरेका छन् । सोमबार राष्ट्रिय सभा गृहमा भएको घोषणा सभामा नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी र नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी सम्मिलित मोर्चा घोषणा भएको हो ।

घोषणा सभामा माओवादी केन्द्रका अध्यक्ष एवं प्रधानमन्त्री पुष्पकमल दाहाल, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव र नेपाल कम्युनिष्ट पार्टीका महासचिव नेत्रविक्रम चन्दले समाजवादी मोर्चा नेपालको सहमतिपत्रमा संयुक्त हस्ताक्षर गरेका छन् ।

मोर्चा घोषणा कार्यक्रममा सहमतिपत्र वाचन गर्दै नेता राजेन्द्र श्रेष्ठले यसमा चार दलले आलोपालो नेतृत्व गर्ने बताउनुभयो ।

मोर्चा प्रदेश र स्थानीय …

गाउँपालिका राष्ट्रिय महासंघ र नेपाल नगरपालिका संघले संघीयता कार्यान्वयनमा संघीय बजेट र स्थानीय सरकारका सवालसम्बन्धी संघीय संसद्का सांसदसँग अन्तक्रिया कार्यक्रम गरेको छ।

कार्यक्रममा राष्ट्रिय स्रोत तथा वित्त आयोगका अध्यक्ष, राष्ट्रिय योजना आयोगका सदस्य, नेपाल नागरिक संघ तथा गाउँपालिका महासंघका पदाधिकारीसहित विकास साझेदार संस्थाका प्रतिनिधिको सहभागिता रहेको थियो।

राष्ट्रिय सभा सदस्य डा. खिमलाल देवकोटाले संघीय संसद्मा छलफलमा रहेको आगामी आर्थिक वर्षको बजेबारे समीक्षात्मक कार्यपत्र प्रस्तुत गर्नुभयो। कार्यपत्रले संघीयता कार्यान्वयन गर्ने दिशामा बजेट नआएको निष्कर्ष निकालेको छ।

संघीय मन्त्रालयहरूले १ लाखसम्मका सानाभन्दा साना आयोजना तथा कार्यक्रममा बजेट छरिएको, स्थानीय र प्रदेश सरकारको अधिकार क्षेत्रमा प्रवेश गरी बजेट विनियोजन गरिएको, ससर्त अनुदानका नाममा …

नेपाल कम्युनिष्ट पार्टी (एकीकृत समाजवादी) का नेता मेटमणि चौधरीले समाजवादी मोर्चा घोषणा हुने र त्यो बृहत् वाम एकतासम्म पुग्ने दाबी गर्नुभएको छ। बिहीबार बिहान प्रसारित देशान्तर संवादमा बोल्दै उहाँले भन्नुभयो, ‘माओवादी केन्द्र, एकीकृत समाजवादी, जनता समाजवादी पार्टी र विप्लवजीको पार्टीबीच मोर्चा बन्दैछ।’

‘जलहरी काण्ड, भुटानी शरणार्थी प्रकरण, यती ओम्नीजस्ता अनेक काण्डका कारण मुलुकको छवि बिग्रिएको छ। भ्रष्टाचारका कारण देश बर्बाद भएको छ। तसर्थ सामाजिक रुपमा जागरण ल्याउने, शशक्त बनाउने, भ्रष्टाचारजस्ता जघन्य अपराधलाई समाप्त पार्ने उद्देश्यले मोर्चा बन्दै छ,’ मोर्चा बन्नुका कारण उहाँले यसरी खुलाउनुभयो।

पार्टी निर्माण, विघटन नियमित चल्ने प्रक्रिया भएको बताउँदै पूर्वमन्त्रीसमेत रहेका चौधरीले मोर्चा जनतामाझ टेस्ट पनि हुने …

नेपाल सरकारको मुख्य सचिवमा डा. वैकुण्ठ अर्याल नियुक्त भएका छन् । बिहीबार बिहान बसेको मन्त्रिपरिषद् बैठकले अर्याललाई मुख्य सचिव नियुक्त गरेको हो ।

तीन महिनापछि अवकाश प्राप्त गर्ने क्रममा रहेका हालका मुख्य सचिव शंकरदास वैरागीलाई सरकारले राष्ट्रिय सुरक्षा सल्लाहकार नियुक्त गरेको छ ।

अर्याल यसअघि प्रधानमन्त्री तथा मन्त्रिपरिषद कार्यालयमा सचिव थिए । सचिवका रूपमा उनको पाँच वर्षे कार्यकाल आगामी असार ३ गते सकिँदै थियो ।

बिहीबारको मन्त्रिपरिषद् बैठकमा अर्याल मुख्य सचिवका रूपमै बसेका बुझिएको छ ।

नाटो सदस्यद्वारा जर्मनीमा सुरु भएको हवाइ अभ्यासमा जापान पनि सहभागी भएको छ। रुस–युक्रेन जारी युद्धबीच ऐक्यबद्धतालाई उजागर गर्न गठबन्धलनले माग गरेको थियो। यसको साझेदारी इन्डो–प्यासिफिक क्षेत्रसम्म विस्तार भएको दाबीसमेत गरिएको छ।

यो अभ्यास नाटोको इतिहासमै ठूलो तैनाथी अभ्यास भएको बताइएको छ। यसमा सहयोगी वायुसेना सहभागी छन्। युरोपेली हवाई क्षेत्रमा दुई हप्ते एयर डिफेन्डर अभ्यासमा २३ नाटो सदस्यसहित स्विडेन र जापानका करिब १० हजार कर्मचारी र २५० विमान सहभागी छन्। जसमा एक एयर सेल्फ डिफेन्स फोर्स परिवहन विमान पनि रहेको छ।

गठबन्धन प्रवक्ताका अनुसार ठूलो संख्यामा गरिएको यो अभ्यासले नाटो सम्बन्धित क्षेत्रको प्रत्येक इन्च जमिन रक्षार्थ तयार रहेको सन्देश दिएको छ। …

गोप्य दस्तावेज घर लगेको आरोप लागेका अमेरिकी पूर्वराष्ट्रपति डोनाल्ड ट्रम्पले आफू यो विषयमा निर्दोष रहेको बताएका छन्। मियामी अदालतमा सुनुवाइका क्रममा ट्रम्पले सबै आरोप अस्वीकार गर्दै आफूमाथि लागेका विभिन्न ३७ आरोप निराधार र झुटा भएको बताए।

अदालतमा सुनुवाइपछि ट्रम्प बेडमिन्स्टर गल्फ क्लब पुगेर त्यहाँ आफ्ना समर्थकलाई सम्बोधन गरे। ‘आज अमेरिकाको इतिहासमा पहिलोपटक राष्ट्रपतिले आफ्नो शक्तिको दुरुपयो गरे,’ उनले भने, ‘राष्ट्रपतिको कुर्सीमा बसेका भ्रष्ट नेताले झुटो आरोपमा आफ्नो कडा प्रतिद्वन्द्वीलाई गिरफ्तार गराए।’ उनको यो भनाइ हालका राष्ट्रपति जो बाइडेनप्रति लक्षित थियो।

आफूले सही काम गर्दागर्दै पनि आपराधिक मुद्दा लगाएको ट्रम्पको जिकिर छ।

अमेरिकी इतिहासमा ट्रम्प यस्ता पूर्वराष्ट्रपति हुन्, जो ‘फेडरल चार्ज’ …