इंग्लिस क्लब आर्सनलले अन्तिमपटक सन् २००४ मा इंग्लिस प्रिमियर लिग (इपीएल) को उपाधि जितेको थियो। त्यसबेला क्लबका प्रशिक्षक आर्सन वेङ्गर थिए भने क्लबका मुख्य खेलाडीहरूमा थिएरी हेनरी, सोल क्याम्पबेल, कानु, एस्ले कोल, प्याट्रिक भिएरा, सेस फाब्रिगास, रोवर्ट पिरेज, डेनिस वर्गक्याम्प, जेन्स लेम्यान (गोलकिपर) आदि प्रख्यात नाम सामेल थिए। आर्सनलले त्यो सिजन अपराजित रहँदै प्रिमियर लिगको उपाधि जितेको थियो जुन आफैँमा एउटा अभूतपूर्व किर्तिमान थियो। तर त्यो कथा अब पुरानो भइसकेको छ। २००४ पछि प्रिमियर लिगमा आर्सनलको प्रदर्शन बिस्तारै–बिस्तारै खस्कँदै जान थाल्यो। लिग उपाधिको दावेदारिता त परै जाओस्, त्यसपछिका धेरै सिजन शीर्ष चारमा स्थान बनाउन समेत यो क्लब असफल रह्यो। इंग्लिस …
