कानून/न्याय

बाराको सदरमुकाम कलैयास्थित बाल एकता इङ्लिस बोर्डिङ स्कुलका प्रिन्सिपल ३९ वर्षीय रुपेश सराफ (स्वर्णकार) हत्याको ९५ प्रतिशत अनुसन्धान सकिएको बारा प्रहरीले जनाएको छ। हत्या रुपेशकै प्रेमिका राधा गुप्ता र राधाका अर्का प्रेमी मनोज गुप्ताको संलग्नता भएको अनुसन्धानबाट खुलेको छ।

सोमबार दिउँसो करिब साढे १२ बजे नेपाल राष्ट्रिय माध्यमिक विद्यालय स्कुल मदरसाको बिच रोडमा पछाडिबाट २ वटा मोटरसाइकलमा मास्क लगाएर आएका ४ जनाले दिनदहाडै सराफमाथि गोली प्रहार गरी हत्या गरेका थिए। हत्याको प्रकरणमा प्रेमिका राधा गुप्ता सहित दस जनालाई बारा प्रहरीले पक्राउ गरी बुधवार पत्रकार सम्मेलनमा सार्वजनिक गर्ने तयारी गरेको छ।

जिल्ला प्रहरी कार्यालय बाराका प्रवक्ता प्रहरी नायब उपरीक्षक दधिराम न्यौपानेका …

पूर्व राष्ट्रपति डोनाल्ड ट्रम्पलाई बुधवार यही अक्टोबर २५ मा न्युयोर्कमा चलिरहेको ठगी मुद्दामा ग्याग भनिने केही  सूचनाहरू सार्वजनिक नगर्नका लागि अदालतले दिएको आदेश उलङ्घन गरेकोमा फेरि १० हजार डलर जरिवाना गरिएको छ। न्यायाधीश आर्थर एन्गोरोनले लगाएको ग्याग आदेशले ट्रम्पलाई अदालतका कर्मचारीहरू, विशेष गरी न्यायाधीशका कानुन क्लर्कहरूको बारेमा सार्वजनिक रूपमा टिप्पणी गर्न निषेध गरेको थियो।

म्यानहटन अदालतका न्यायाधीश आर्थर एन्गोरोनले ७७ वर्षीय पूर्व राष्ट्रपति ट्रम्पलाई सुनुवाइ पछि प्रतिपक्ष टेबुलमा फर्किना साथ जरिवाना सुनाउनुभयो। “यो फेरि नगर्नुहोस्, नत्र यो अझ खराब हुनेछ,” न्यायाधीश एन्गोरोनले चेतावनी दिनुभयो।

ट्रम्पले इन्गोरोनको कानुन क्लर्कको बारेमा बोलेको कुरा अस्वीकार गर्नुभएको छ। तर उहाँले पत्रकारहरूलाई “धेरै पक्षपाती व्यक्ति” …

वीरगन्ज महानगरपालिकाका एक  वडाध्यक्षले आइतबार राती सफाइकर्मीलाई कुटपिट गरेका छन्। महानगरपालिका वाड नम्बर २५ सिर्सियाका वडा अध्यक्ष आशुतोष चतुर्वेदीले महानगरपालिकाका सरसफाइ शाखामा कार्यरत ट्याक्टर ड्राइभर नेक महमदलाई कुटपिट गरेका हुन। हेलमेट र मोबाइल प्रहारबाट घाइते भएका महमदको उपचार नारायणी केन्द्रीय अस्पतालमा गरिएको छ। वीरगन्जमा  फूलपाती र अष्टमीमा दशैको मेला लाग्ने गर्दछ। मेलाबाट फोहर भएको बाटोघाटोलाई सफाइ गर्ने क्रममा राती साढे दश बजे ट्याक्टर ड्राइभरलाई कुटपिट गरेका हुन। रक्सीले मातेका वडाध्यक्ष चतुर्वेदीले वीरगन्जको आदर्श‍नगरमा आइतबार राती महानगरपालिकाको ना १ द २६१ नम्बरको ट्याक्टर रोकेर सफाइ काम बन्द गर भन्दै आफू र मेयरलाई तथानाम गाली गर्दै कुटपिट गरेको ड्राइभर नेक महमदले बताए। …

अमेरिकाका पूर्व राष्ट्रपति डोनाल्ड ट्रम्पलाई न्युयोर्कका एक न्यायाधीशले राज्यका महान्यायाधिवक्ताले ल्याएको सिभिल ठगी मुद्दामा  अदालतको आदेशको उल्लङ्घन गरेको आरोपमा ५ हजार डलर जरिवाना तोकेका छन्। ग्याग भनिने केही  सूचनाहरू सार्वजनिक नगर्नका लागि अदालतले दिएको उलङ्घन गरेकोमा न्यायाधीशले पुनःआदेश दिँदै ट्रम्पलाई ग्यागको थप उल्लङ्घन गरेमा जेल सजाय भोग्न सक्ने चेतावनी पनि दिएका छन्।

मानव अधिकार तथा शान्ति समाजले २०८० असोज २२ गते दिउँसो राष्ट्रपति कार्यालय शितल निवासअगाडि विरोध प्रदर्शन गरेको छ। संविधानको धारा २७६ मा निहित राष्ट्रपतिले सजाय माफी गर्न सक्ने अधिकारको दुरुपयोग रोक्न र कैद माफी गर्दा तलदेखि माथिसम्म भएको संभावित आर्थिक चलखेलबारे गहिरो छानबिन गर्न माग गर्दै प्रदर्शन गरेको हो।

विरोध प्रदर्शनमा शान्तिवादीहरूले राष्ट्रपति महोदय ! न्यायको सार्वभौम मान्यता विपरित माफी मिनाहाको घोषणा किन ? लोकतान्त्रिक गणतन्त्रप्रति आस्था बढाउने कि वितृष्णा फैलाउने ? कैद माफी मिनाहाको नाममा राज्यबाट भइरहेको अपराधको पर्दाफास गरौँ, हत्या हिंसा महिमामण्डन गर्न पाइदैँन, हत्यालगायत जघन्य अपराधमा कैद माफी मिनाहा हुन सक्दैन लेखिएका प्लेकार्ड प्रदर्शन गरेका थिए।

सो …

वीरगन्जको छपकैयामा भएको हत्यामा संलग्न भएको एक युवकलाई प्रहरी सार्वजनिक गरेको छ। शुक्रवार हत्या गरिएकी ब्युटिसियन पुनमदेवी सराफको हत्यामा संलग्न रहेको भन्दै जिल्ला प्रहरी कार्यालय पर्साले  एक युवकलाई सार्वजनिक गरेको छ । जिल्ला प्रहरी कार्यालय पर्सामा आइतबार आयोजित पत्रकार सम्मेलन  हत्यामा  वीरगन्ज महानगरपालिका वडा नम्बर १ छपकैया बस्ने २५ वर्षीय इमरान मियाँलाई सार्वजनिक गरिएको थियो ।
गगनदेव साहकी पत्नी ४० वर्षीय पुनमदेवी सराफ,  शुक्रवार बिहान घरभित्र रक्ताम्मे अवस्थामा अचेत फेला परेपछि उपचारको क्रममा उनको नेशनल मेडिकल कलेजमा मृत्यु भएको थियो ।
इमरानले पुनमदेवीको हत्या आफैँले गरेको स्वीकारोक्ति बयान दिएको पर्साका प्रहरी उपरीक्षक कोमल शाहले बताउनु भयो। जिल्ला प्रहरी कार्यालयमा आयोजित …

सामाजिक र धार्मिक सद्‌भाव भड्किने सङ्केत देखिएपछि नेपालगन्जमा स्थानीय प्रशासनले कर्फ्यु आदेश जारी गरेको छ । जिल्ला प्रशासन कार्यालयले  दिउँसो साढे १२ बजेदेखि नेपालगन्ज उपमहानगरपालिका क्षेत्रमा कर्फ्यु जारी गरिएको हो ।

नेपालगन्जमा दुई धार्मिक समुदायबिच तनाव सिर्जना हुन नदिन कर्फ्यु आदेश जारी गरिएको स्थानीय प्रशासनले जनाएको छ। आज बिहान नेपालगन्जमा निकालिएको एउटा र्‍यालीले बजार परिक्रमा गरेको थियो । ठुलो सङ्ख्यामा निस्किएको र्‍यालीमा घरमाथिबाट ढुङ्गा र इँटा प्रहार भएको र स्थिति असामान्य भएपछि कर्फ्यु लगाइएको हो बताइएको छ। बजार क्षेत्रमा ५ सय बढी प्रहरीहरू परिचालन गरिएको छ । एक सयभन्दा बढी सङ्ख्यामा सशस्त्र प्रहरी परिचालित गरिएको छ ।

नेपालगन्जमा सम्भावित तनावलाई …