अनिल तिवारी /वीरगञ्ज 
अनिल तिवारी
वीरगन्ज सिर्सिया सुख्खा बन्दरगाह (ड्राइपोर्ट) अगाडि चलिरहेको आन्दोलन स्थगित भएको छ । आन्दोलनकारीहरूले राखेको तिन बुँदे माग पुरा गर्ने आश्वासन पछि आन्दोलन स्थगित भएको हो । सिर्सियावासीले छठ अगावै सबै मुआब्जा पाउने आश्वासनमा आन्दोलन स्थगित गरिएको सङ्घर्ष समितिका अध्यक्ष अशोक चौधरीले बताउनु भयो । पीडितहरूले धर्ना स्थगित गरेपछि सुक्खा बन्दरगाहको कामकाज बिहीबार साँझदेखि सुचारु भएको छ ।
तिन बुन्दे माग राख्दै आइतबार देखि वीरगन्ज स्थित सिर्सिया सुक्खा बन्दरगाह अगाडि सिर्सियावासीले आन्दोलन गरेका थिए । बुधवार देखि आन्दोलन कडा गरेपछि बन्दरगाहको सबै आर्थिक कारोबार थप्प भएको थियो ।
बिहीबार साँझ मुआब्जा सङ्घर्ष समितिका पदाधिकारी र भन्सार प्रमुख डाक्टर रामप्रसाद मैनालीबिच भएको वार्तामा तीन बुँदे माग पुरा गर्ने सहमति पछि धर्ना स्थगित भएको हो ।
सरकारी उदासीनताको कारण ७ वर्षमा पनि मुआब्जा विवाद नसुल्झिएको भन्दै सिर्सियावासीले आन्दोलनलाई बुधवारदेखि कडा पारेका थिए ।सरकारी उदासीनताले आफूहरूलाई आन्दोलन गर्न सरकारले बाध्य बनाएको स्थानीयको आरोप थियो ।
अधिग्रहणको प्रक्रियामा रहेको कूल ६२ बिघा जग्गाको ९ सय २० कित्ता जग्गा मध्ये हालसम्म ४० बिघा जग्गाको ८ सय २३ कित्ता जग्गाको गरी करिब ४ अर्ब ५० करोड रुपैयाँ मुआब्जा वितरण भएको छ । १३ बिघा जग्गाको मात्र करिब २ अर्ब ३६ करोड रुपैयाँ मुआब्जा वितरण हुन बाकी रहेको छ ।
घर, रुख, कृषि, पोखरी, चापाकल आदिको पनि मुआब्जा दिनु पर्ने तर त्यसको सर्भे नै हुन पाएको छैन । बक्यौता सबै रकम एक पल्टमै पाउने पर्ने,स्ववासी जग्गाको मुआब्जा पाउनु पर्ने,२।५ प्रतिशतबाट वृद्धि गरिएको ५ प्रतिशत लाभकरको रकम सरकारले फिर्ता गर्नु पर्ने माग स्थानीयको छ ।
गत मङ्गलवार नेपाली काँग्रेसका केन्द्रीय सदस्य एवम् उक्त क्षेत्रका सांसद अजय कुमार चौरसियाले मुआब्जा वितरणमा सरकारी उदासीनताले सिर्सियावासी ठुलो मारमा परेको भन्दै संसद्को ध्यानाकर्षण गराएका थिए ।
सिर्सिया सुख्खा बन्दरगाह वाणिज्य तथा आपूर्ति मन्त्रालय अन्तर्गत रहेकोको कार्यालय हो । उद्योग ,वाणिज्य तथा आपूर्ति मन्त्री पर्सा जिल्लाकै नेपाली काँग्रेसका नेता रमेश रिजाल भए पनि आफूहरूको समस्या प्रति उदासीन रहेको आरोप आन्दोलनकारीको छ ।
वार्तामा बाँकी मुआब्जा छठ पर्व अगावै सम्बन्धित जग्गाधनीहरूलाई वितरण गरिने लगायतका तीन बुँदे सहमति भयसँगै आफूहरूले धर्ना स्थगित गरेको मुआब्जा पीडित सङ्घर्ष समितिका संयोजक अशोक चौधरीले बताए ।
श्रोत: आइएनएस-स्वतन्त्र समाचार
अनिल तिवारी /वीरगञ्ज का अन्य पोस्टहरु:
- पर्सामा बालिका बलत्कार, बिचौलियाको सक्रियतामा मुद्दा दबाउने प्रयास भएको आरोप
- मेयर संम्लग्न किर्ते नागरिकता प्रकरण: एक हप्ता देखि जिल्ला प्रहरी कार्यालय अगाडि प्रदर्शन
- शिविर लगाएर धार्मिक ठगी, पक्राउ पर्ने सूचना पाएपछि फरार भए काली कम्बल
- उपेन्द्र यादवको चर्को बिरोध पछि जसपा सरकारमा नजाने सङ्केत
- दलाई लामा र चिसिँदै गएको अमेरिका चिन सम्बन्ध !
- क्याम्पसको नवनिर्मित भवनमा गाई गोठ, भवन निर्माणमा अनियमितता भएको आरोपपछि ठेक्कापट्टाको फाइल नै गायब
- किर्ते नागरिकता प्रकरण: सूचना माग्दा प्रमाण गायब, प्रमाण लुकाउन १० लाखको चलखेल भएको आशङ्का
- वीरगन्जको एक सहकारीमा महानगरपालिको सिलबन्दी, जीवी राईलाई पक्राउ गर्न माग गर्दै प्रदर्शन
- मेयर जोडिएको किर्ते नागरिकता प्रकरण: छानबिन गर्न समिति गठन
- नक्कली बाबु बनेर नागरिकता दिने वीरगन्ज महानगरपालिका प्रमुख सिंह विरुद्ध उजुरी दर्ता
