राम बिकास चौधरी/ लुम्बिनी 
रामविकास चौधरी
संस्कृति, पर्यटन तथा नागरिक उड्डयानमन्त्री बद्री प्रसाद पाण्डे विरुद्ध लुम्बिनीमा नाराबाजी भएको छ । मन्त्री पाण्डेले लुम्बिनीबासीलाई बेवास्ता गरेको भन्दै स्थानीयले उनको राजीनामा माग गरेका छन् ।
लुम्बिनी विकास कोषको अध्यक्ष समेत रहेका मन्त्री पाण्डे विकास कोषको परिषद् बैठकमा भाग लिन लुम्बिनी पुगेका थिए ।
संस्कृति मन्त्री पाण्डेलाई लुम्बिनी विकास कोषको बेथितिबारे जानकारी दिन तथा ज्ञापन पत्र बुझाउन समय माग गर्दा बेवास्ता गरेको र कोषको अनियमिततालाई ढाकछोप गर्ने प्रयास गरेको भन्दै स्थानीय लुम्बिनी बचाउ महाअभियानले उनको राजीनामा माग गरेको बताएको छ ।
संस्कृति मन्त्री पाण्डेसहित विकास कोषका उपाध्यक्ष डा. ल्यारक्याल लामा, सदस्य सचिव सानुराजा शाक्य र प्रशासकीय प्रमुख ज्ञानिन राइ, समेतको राजीनामा माग गर्दै सयौँको सङ्ख्यामा विरोधमा उत्रेपछि मात्र मन्त्रिलाई भेट्ने समय मिलाइएको महाअभियानका संयोजक अकरामुद्दीन खाँले बताए ।
मन्त्री पाण्डेले परिषद् बैठक रोकेर भेट्ने तथा ज्ञापन पत्र बुझ्ने समय मिलाएपछि मात्र अभियानले विरोधका अन्य कार्यक्रम फिर्ता लिएको महाअभियानका संयोजक अकरामुद्दीन खाँले बताए । उनले भने, “शान्तिपूर्ण कुरा नसुनिइदिने तथा आन्दोलित लुम्बिनीवासीका जायज मागलाई बेवास्ता गरी कोषका दुई-चार जना पदाधिकारी र कर्मचारीको कुरामा बहकिने मन्त्री पाण्डे सो पदका लागि योग्य छैनन् ।”
लुम्बिनी विकास कोषका उपाध्यक्ष डा. ल्यारक्याल लामाले मन्त्रीको व्यस्त समय तालिकाका कारणले स्थानीयलाई समय दिन ढिलाइ हुन गएको बताए । उनले भने, “आफू पूर्ण निष्ठा र इमानदारीका साथ लुम्बिनीलाई बचाउन, बनाउन र गुरुयोजना पूरा गर्न लुम्बिनी आएको हो ।” लुम्बिनी विकास कोष भित्रैबाट आफूलाई असल काम गर्न असहयोग भइरहेको उनले बताए ।
श्रोत: आइएनएस-स्वतन्त्र समाचार
राम बिकास चौधरी/ लुम्बिनी का अन्य पोस्टहरु:
- लुम्बिनीको विकास र संरक्षणका लागि कोषका पदाधिकारीहरूको राजीनामा माग
- सिमान्चलमा सरयु नहरको सन्त्रास !
- लुम्बिनीको मायादेवी सुत्केरी पथ: संरक्षणको पर्खाइमा ऐतिहासिक धरोहर
- सडक निर्माण भएपछि खुसी छन् कोटीमाईका स्थानीय
- बुद्धको मावली दाबी गरिएको मर्चवार क्षेत्रमा पुरातात्त्विक सम्पदाको निरीक्षण
- रुपन्देहीको मर्चवारः सामुदायिक विद्यालयको बस निजी विद्यालयलाई भाडामा
- मुसहर बालबालिका विद्यालय बाहिर: निःशुल्क शिक्षा नीतिमा चुनौती
- आफ्नै गाउँको सडक निर्माणमा काम नपाउँदा मुसहरहरूको दुखेसो
- फोहोरमा भेटिए लुम्बिनीका बहुमूल्य मूर्तिहरू
- लुम्बिनीको मायादेवी मन्दिरमा राखियोअनधिकृत मूर्ति
