अनिल तिवारी /वीरगञ्ज 
अनिल तिवारी
होटल व्यवसायीले होटल–व्यवसायलाई उद्योगसरह मान्यता दिनुपर्ने माग राखेका छन् । होटेल तथा पर्यटन व्यवसाय संघ, वीरगन्जका अध्यक्ष हरि पन्त र महासचिव माधव बस्नेतको नेतृत्वमा पुगेको टोलीले उद्योग तथा वाणिज्यमन्त्री रमेश रिजाललाई भेटी ज्ञापनपत्र बुझाउँदै सो माग राखेको हो ।
मन्त्री रिजालकै गृहनगर वीरगन्जबाट आएको टोलीले देशैभरका होटेल तथा पर्यटन व्यवसायीले पछिल्लो एक दशकदेखि विभिन्न आर्थिक समस्या झेल्दै आएको र त्यसको परिणामस्वरूप होटल व्यवसाय धराशायी बन्दै गएको दुखेसो मन्त्री रिजालसमक्ष राखेका थिए ।
मुलुकमा करिब ८० हजारको संख्यामा रहेका होटल तथा पर्यटन व्यवसायलाई सरकारले उद्योगसरहको मान्यता दिँदै होटल तथा पर्यटनमा लाग्ने बिजुलीको महसुलदर पनि उद्योगसरह नै लिनुपर्ने उनीहरूको माग थियो ।
२०७२ मा आएको विनाशकारी भूकम्प, त्यसपछि नयाँ संविधान घोषणापश्चात् तराइ– मधेसको साढे चार महिने नाकाबन्दीसहित झन्डै ६ महिना चलेको आन्दोलनको नकारात्मक प्रभावले होटल तथा पर्यटन व्यवसायलाई थला परेको ज्ञापनपत्रमा उल्लेख छ ।
यी समस्याबाट उठ्न नपाउँदै कोरोना महामारीको पहिलो र दोस्रो लहरले कतिपय होटेल तथा रेस्टुरेन्ट बन्द भएका, कतिपय ऋणमा डुबेका, होटेलमा रोजगारी संकुचनमा पर्नुका साथै लिजमा जग्गा तथा संरचना लिएर सञ्चालित होटेल भाडा बक्यौतामा डुबेको र होटेल तथा पर्यटन व्यवसाय क्षेत्रले सामना गरिरहँदा तत्कालीन सरकारले सहुलियत र राहतको मलम लगाउने काम नगरेको भन्दै सरकारको ध्यानाकर्षण गराएका हुन् ।
होटेल तथा पर्यटन व्यवसाय संघ, वीरगन्जका अध्यक्ष हरि पन्त र महासचिव माधव बस्नेतको नेतृत्वमा पुगेको टोलीलाई मन्त्री रिजालले छिट्टै नीतिगत प्रक्रिया र देखा परेका कानुनी अड्चनलाई सच्याएर उद्योगसरह मान्यता दिने आश्वासन दिनुभयो । मन्त्री रिजालले यस क्षेत्रप्रतिको समस्या समाधानका लागि सरकारले सक्दो सहयोग गर्ने बताउनुभयो।
श्रोत: आइएनएस-स्वतन्त्र समाचार
अनिल तिवारी /वीरगञ्ज का अन्य पोस्टहरु:
- पर्सामा बालिका बलत्कार, बिचौलियाको सक्रियतामा मुद्दा दबाउने प्रयास भएको आरोप
- मेयर संम्लग्न किर्ते नागरिकता प्रकरण: एक हप्ता देखि जिल्ला प्रहरी कार्यालय अगाडि प्रदर्शन
- शिविर लगाएर धार्मिक ठगी, पक्राउ पर्ने सूचना पाएपछि फरार भए काली कम्बल
- उपेन्द्र यादवको चर्को बिरोध पछि जसपा सरकारमा नजाने सङ्केत
- दलाई लामा र चिसिँदै गएको अमेरिका चिन सम्बन्ध !
- क्याम्पसको नवनिर्मित भवनमा गाई गोठ, भवन निर्माणमा अनियमितता भएको आरोपपछि ठेक्कापट्टाको फाइल नै गायब
- किर्ते नागरिकता प्रकरण: सूचना माग्दा प्रमाण गायब, प्रमाण लुकाउन १० लाखको चलखेल भएको आशङ्का
- वीरगन्जको एक सहकारीमा महानगरपालिको सिलबन्दी, जीवी राईलाई पक्राउ गर्न माग गर्दै प्रदर्शन
- मेयर जोडिएको किर्ते नागरिकता प्रकरण: छानबिन गर्न समिति गठन
- नक्कली बाबु बनेर नागरिकता दिने वीरगन्ज महानगरपालिका प्रमुख सिंह विरुद्ध उजुरी दर्ता
