समाज

बझाङमा भएको जिप दुर्घटनामा गम्भीर घाइते भएका सुदूरपश्चिम प्रदेशका आन्तरिक मामिला तथा कानुनमन्त्री पृथ्वीबहादुर सिंहको निधन भएको छ ।

मन्त्री सिंहलाई उपचारका लागि बझाङबाट हेलिकप्टरमा नेपालगन्ज ल्याइएको थियो । उपचारका क्रममा उनको कोहलपुरस्थित नेपालगन्ज मेडिकल कलेजमा निधन भएको अस्पतालले जनाएको छ ।

घाइते अन्य दुईजनाको अवस्था गम्भीर छ । यसअघि आजै सिंहकी पत्नी अमृता सिंह र भाउजू जयादेवीको मृत्यु भएको थियो ।

डडेल्धुराबाट चैनपुरतर्फ गइरहेको सुप प्र ०१००१ झ ४८० नम्बरको गाडी केदास्यु गाउँपालिका–१ मा दुर्घटनामा परेको थियो ।

एक त आँखा नदेख्ने। त्यसमाथि यस्तो गर्मी। कहिले बुढाले बुढीको हात समाएर तानेको छ त कहिले बुढीले बुढाको। साथमा एउटा लाठी छ अनि केही मुठा धुप वा अगरबत्ती। यो जोडी हो दिलबहादुर बुढा ‍र नीरमाया प्याकुरेलको।

जुम्ला जिल्लाको पातारासी गाउँपालिका वडा नं ३ महरी मा जन्मिएका दिलबहादुर बुढा जन्मजातै  दृष्टिविहीन हुन्।उनी अहिले २३ वर्षको भए।  उनी जन्मिएको ३ महिना पछि उनका आमा नन्दकली बुढा को मृत्यु भयो। लगतै उनका बुबा दिल बहादुर बुढाले  पनि उनलाई ६ महिना पछि छोडेर गए। जन्मदै आमा बुबाको स्नेहा माया नपाएका दिलबहादुरलाई उनका दिदी दीवाकली बुढाले उनको हेरचाहा गरेको बताउँछन्। दिदी दीवाकलीले  ११ वर्षको उमेरमा …

यतिबेला देशैभर तापक्रम बढेको छ । यो क्रम तराईमा अझै पाँच दिनसम्म रहने जल तथा मौसम विज्ञान विभागले जनाएको छ । अझै पाँच दिन तराईमा लू चल्ने भएकाले सोबाट बच्न र आवश्यक सतर्कतासमेत अपनाउन विभागले आग्रह गरेको छ ।

‘आगामी पाँच दिनसम्म देशभरको तापक्रमको अवस्था तथा विश्लेषणअनुसार तराईका धेरैजसो भू–भागमा अधिकतम र न्यूनतम तापक्रम क्रमिकरूपमा बढ्दै जाने देखिन्छ । तसर्थ, तराईका भू–भागमा तातो हावाबाट बच्न आवश्यक सतर्कता अपनाउन अनुरोध छ,’ महाशाखाको लूसम्बन्धी विशेष बुलेटिनमा भनिएको छ ।

लगातार पाँच दिनसम्म ४० डिग्रीभन्दा माथि तापक्रम रहने अवस्थालाई लू चलेको मानिन्छ । वर्षा नहुँदा तापक्रम बढेर लू चलेको विभागको भनाइ छ ।…

अमेरिकाको भर्जिनियास्थित रिचमन्ड इलाकामा रहेको युनिभर्सिटीमा गोली चलेको छ। रिचमन्ड इलाकाको मनरो पार्कनजिक युनिभर्सिटी परिसरमा हाइस्कुल ग्रयाजुएसन सेरेमोनीका बेला गोली चलेको हो। गोली लागेर दुई जनाको मृत्यु भएको छ भने पाँच जना घाइते भएका छन्। गोली प्रहार गर्ने दुई जनालाई प्रहरीले हिरासतमा लिएको छ, जसमध्ये एक जनाको उमेर १९ वर्ष रहेको बताइएको छ।

गोली चल्नु केही समयअघि अल्ट्रिया थिएटरमा ग्रयाजुएसन सेरेमोनी सुरु भएको थियो। गोली लागेर मृत्यु हुनेहरु सेरेमोनीमा भाग लिन आएका थिए। मृत्यु हुनेमध्ये एकको उमेर १८ र अर्काको उमेर ३५ वर्ष रहेको बुझिएको छ।

रिचमन्ड पब्लिक स्कुलका अधिकारीका अनुसार सोही साँझ दुई अन्य स्कुलको ग्रयाजुएसन समारोह पनि थियो। …

जुम्लाको पातारासी गाउँपालिका ३ छुमचौरकी मनमाया (परिवर्तित नाम) ३३ वर्षकी हुनुभयो। दुई छोरा र एक छोरीकी आमा उहाँ चौथोपटक गर्भवती हुनुभयो। घरको पारिवारिक र आर्थिक अवस्था कमजोर भएकी उहाँको इच्छा चौथो सन्तान नजन्माउने थियो। त्यसैले गर्भपतन गर्न उहाँ नजिकैको हेल्थ पोस्टमा पुग्नुभयो तर सुरक्षित गर्भपतन गर्ने उहाँको आशा–निराशामा परिणत भयो। उक्त हेल्थ पोस्टमा न गर्भपतनसम्बन्धी औषधि थियो न त तालिमप्राप्त जनशक्ति नै। उहाँ निरास भई केही घण्टा हिँडेर एउटा मेडिकलमा पुगेर औषधि लिएर घर फर्किनुभयो।

उहाँ एक प्रतिनिधि पात्र मात्र हुनुहुन्छ। उहाँजस्तै कैयौँ गर्भवती महिला स्वास्थ्यको पहुँचमा नहुँदा र जथाभावी बाहिरको औषधि प्रयोग गर्दा पाठेघरलगायतका समस्या भोग्न बाध्य छन्।

नाम …

भारतको मणिपुरमा कुकी र मैतेई समुदायबीच आरक्षणलाई लिएर करिब महिनादिनयता हिंसा जारी छ। आइतबार फेरि एकपटक राजधानी इम्फालनजिकका सेरौ र सुगुन इलामा हिंसात्मक झडप भएको छ। झडपमा परी १ प्रहरीसहित ५ जनाको मृत्युको भएको भारतीय सञ्चारमाध्यमले उल्लेख गरेका छन्। यस्तै १२ जना घाइते भएका छन्। ३ मेदेखि जारी हिंसामा अहिलेसम्म ८० जनाको ज्यान गइसकेको छ।

आइतबार मात्रै प्रहरीले ४० जनाको इनकाउन्टरसमेत गरेको छ। मणिपुरका मुख्यमन्त्री बिरेन सिंहले यसको पुष्टि गरेका छन्। उनले इनकाउन्टरमा मारिएकाहरू आतंकवादी भएको बताएका छन्। उनका अनुसार आतंकवादीले आमनागरिकको स्वतन्त्रताविरुद्ध एम–१६, एके–४७ असल्ट राइफल र स्नाइपर गन प्रयोग गरेका थिए।

मणिपुरमा कुकीले जनजाती मैतेई समुदायलाई एसटीको दर्जा …

तनहुँको शुक्लागण्डकी नगरपालिका–११ निवासी विशाल पौडेल विसं २०६९ देखि ५ वर्षसम्म कतारमा सुपरमार्केटमा काम गरेर नेपाल फर्कनुभयो। विदेशमा काम गर्नुभन्दा स्वदेश फर्किएर उत्पादनमूलक व्यवसायमा लाग्ने उहाँको सोच थियो। सोचअनुरूप उहाँले स्वदेश फर्किएपछि केही गरौं भनेर साथीहरूसँग सल्लाह गर्नुभयो।

यस्तै, शुक्लागण्डकी नगरपालिका–८ का रूपबहादुर गोतामे पनि १ वर्ष कतार र ८ वर्ष दुबईमा काम गर्नुभयो। उहाँ पनि पाँच वर्ष अगाडि नेपाल फर्कनुभयो। नेपालमै केही गरौं भन्ने भावना थियो दुवैमा। पौडेल र गोतामको सोच मिल्यो र अन्य साथीसँग पनि सरसल्लाह भयो। शुक्लागण्डकी नगरपालिकाकै विभिन्न वडा घर भई विदेशबाट फर्किएका अन्य पाँच युवा र स्थानीय युवाको सहभागितामा वैशाखेघाट लाइभस्टक एग्रो प्रालि सञ्चालन गरे। …

दैलेखकी २७ वर्षीया गमता (परिर्वतित नाम) १० महिने छोराकी आमा हुन् । पहिलो नानी सानो छँदै उनी गर्भवती भइन् । त्यसैले उनले गर्भपतन गराउने निर्णय लिइन् । गर्भपतनका लागि औषधि पाइन्छ भन्ने सुनेकी गमताले आफूले पनि औषधि सेवन गरेरै गर्भपतन गराउन पाए हुन्थ्यो भन्ने चाहना राखिन् । श्रीमान्ले गर्भपतनका लागि केही औषधि ल्याइदिए । ती औषधि तोकिएको विधिअनुरूप सेवन गरिन् ।

औषधि सेवन गरेको केही घण्टापछि औषधि पसलेले भनेझैँ रक्तस्राव हुन थाल्यो । गर्भपतन भयोे भनेर ढुक्क थिइन् उनी । तर, लामो समयसम्म रक्तस्राव रोकिएन । कमजोरी महसुस भयो, रगत पनि अत्यधिक बग्यो । उनी भित्रभित्रै डराउन थालिन् । चिन्तित …